Matahum nga Bathala sa Kadlawon,
sa sayung pagpanganta sa mga maya
balaki ang kabus sa pagsabot kong kalag.
Tungod kay ako gi-gakus sa Tibuok nga Gugma,
ang Manghihimong Bathala.
Diyosa, mapasabot mo ba?
Ngano ang mga luya nga himaya
sa adlaw’g bulan.
-sa taknang pagsimba kanimo-
mubusikad man sa katahum nga wa’y sama?
Kay kon ang adlaw hari
sa galakbayan niyang langit
ug ang bulan inahan
sa kadaghanag bituon sa samang langit,
ngano sa pag-hiubos nilang duha,
Ikaw, Diyosa sa Katahum ug Paglaum,
magpakita man sa tibuok kinabuhian?
Diyosa, pasyalo-a ang banhang kalipay ko-
ang mapangutan-on pagsimba ko sa imong katahum.
Kay kon ako ang adlaw
ug siya ang bulan
ngano kami dili man makabiya
sa taknang kadlawon?
No comments:
Post a Comment