NOTE: NO PART OF THIS BALAK MUST BE COPIED WITHOUT THE PERMISSION OF THE XAVIER UNIVERSITY LITERARY CIRCLE AND THE WRITER
Giluwaan kog gapanglapdos nga talhithi
sa samang langit
nga mibas-bas ug gapang-gakus nga ulan
sa atong pagka-kanato-
Niadtong taknang nag-inusara ako nga naglingkod
sa hagdang bato
ngadto sa balaan ‘tang daplin.
Sa kaulaw, mihanagad ako sa langit
ug nangamuyo sa pag-sabot
kay bugtong niadtong daplin ko lang mabalikan
ang kagustong nabiyaan ko
sa labihang panginahanglan ko kanimo.
Gikatulgan lamang ako sa
sa samang langit
nga migiya sa mata ko sa imong katahom.
Diha dayon ang bagong usbong nga kasubo
sa gibugal-bugalan kong balaan ‘tang daplin,
sa pagbalik ko sa gidaot kong kaniadto,
sa pagbiya sa mga mata ko sa matahom mong dagway.
Mihuyop ang langit sa mahinay na hanging
migakos daw mihung-hong kanako
sa pulong mong
daw pagsabot sa kalag ko
nga gahulat ka lamang kanako.
No comments:
Post a Comment